Seo Ji Hye تكشف ما الطعام الذي تجنبته لـ3 سنوات من أجل ان تكون نحيفه


misc

ظهرت Seo Ji Hye في حلقه من برنامج ” Get It Beauty’s ‘Talking Mirror ” وكشفت عن أسرار جمالها للمشاهدين !
تحدثت الممثله كيف حافظت على مظهرها النحيف, وأطلقت على نفسها لقب “آلهة الإنضباط الذاتي” *استغفر الله* .
تقول “هناك 3 أشياء لا آكلها — هامبرغر و الصودا و الراميون … لقد مرّت 3 سنوات منذ أن أكلتهم ” .

وفسّرت حديثها بكيف استطاعت أن تتخلص من السيوليت ” اخلط بقايا حبوب البن المطحون مع زيت الجسم وبعدها افرك بها جسمي, انه يجعل السيلوليت والجلد الميّت يختفي ” .

20 تعليقات على “Seo Ji Hye تكشف ما الطعام الذي تجنبته لـ3 سنوات من أجل ان تكون نحيفه

  1. معروفه القهوه للخطوط البيضاء ممتازه جدا وتذهبها بس يبي له صبر العنايه كلها حلوه وتغير النفسيه بس يبغى لنا صبر عليها
    كل ما ابدا جدول اكنسله بعد اسبوع💔 يارب ارزقني زيادة اصراااار

      • فيه طريقة بقوقل مقشر فرانك المنزلي لكن صراحه متعب واذا صلحتيه كل شوي بتطفشين حطي شي سهل وبسيط
        حطي قهوه تركيه او قهوه محمصه كويس مطحونه مع اي زيت جسم تحبينه وافركي فيها جسمك شوي شوي مب قوه تجرحين نفسك وخليه خمس دقايق واشطفيه بالمويه ورطبي جسمك بعدها اهم شي الترطيب اذا مارطبتي ماراح تبين معك نتيجه

    • عادي سويها وحطيها بعلبه تكفي شهر ماتخرب مو لازم تستخدمينها يوميا عشان تشوفين نتايج .

      انا صراحه استخدمها بس اذا بغيت اتروش
      وصدق مره حلللوه وشفت نتايج موب يعني شي خورافي لا بس يعني تفتح شي بسيط بس موب سحر

  2. عاد مافي الا الهامبرجر والراميون يسمنون؟!! بالعكس الخامبرجر لحم صافي مافيه شحوم احسها فعلا ما تاكل الراميون وصفت الهامبرجر معه استعراض لان اكل المطاعم وحده يسمن والاخت ما حجبت نفسها الا عن الهامبرجر والراميون!!

    • الهامبرجر حقتهم لحم خنزير ويخلطون كل شي مع بعض
      ويمكن هي الهامبرجر تسمنها كل واحد وطبيعة جسمه

  3. الفاست فود والغازيات عموما كلها تسمن الواحد يقلل منها لين يتعود يعيش بدونها
    بالنسبه للقهوه صادقه فعلا مفيده للسيوليت

  4. “بقايا حبوب البن المطحون مع زيت الجسم وبعدها افرك بها جسمي, انه يجعل السيلوليت والجلد الميّت يختفي ”

    انا شخصيا جربتها ارهب مقشر على كثر المقشرات المنزلية اللي سويتها وأشيا ء شريتها إلا ان القهوة شي خورافي

    الخلطة :
    •قهوة تركية ارخص نوع لانها للجسم ماراح تذوقينها
    •زيت اللوز الحلو
    •سكر
    •عسل
    •ملح او مقشر ملح اليوكو (اختياريات)
    •جيبي ليبتون شاهي اخضر وفكيه من الاكياس (اختياري)

    المقدار صراحة من راسي لحد ما اشوفه متجانس

    الطريقة :
    اغلسلي جسمك بموية دافية وبعدين حطيها على جسمك وافركي يا بيدك او بليفه .

    النتايج اللي شفتها :
    تفتح مفاصل الاصابع خاصه الرجل والاكواع وانتم بكرامة
    مرره خورافيه وترطب بعد لان فيها زيت اللوز الحلو

    احلى شي حطيها في علبه عادي ماتخرب وحطيها بالحمام

  5. هناك 3 أشياء لا آكلها — هامبرغر و الصودا و الراميون … لقد مرّت 3 سنوات منذ أن أكلتهم ” .

    موب كل الناس تسمنهم ذا الاشياء
    صديقتي نحيييفة مررره ونص اكلها كولا وشبس واندومي ومطعم
    يختلفون الناس بس عندها نقص فيتامينات

    فيه ناس طبيعتها قلقة وتفكر كثير وتشيل هم كثير عشان كذا هم نحيفين القلق يحرق سعرات حراريه .

  6. هو تقريبا اغلب الناس اجسامهم قابله للسمنه
    والبرغر ملياااااااان دسم خصوصا من المطاعم حتى لو كان مشوي اكله باستمرار يراكن الدهون بالجسم والصودا (المشروبات الغازية) ملياااانه سكر ومافيهل ولا ادنى فايدة للجسم والراميون كمية نشويات مو طبيعية تنفخ الجسم …

    صح مو كل الناس ممكن تسمنهم هالاشياء لكن تعتبر مسببات رئيسية في السمنة ..
    اغلب الناس تسمنهم هالاشياء وفيه فئة نقول مو طبيعين شوي مايسمنون ابدا لو وش مايتكلون لكن حتى لو كانوا مدمنيين على الفاست فود والاكل الغير ضحي يبان عليهم تحس مافيه حيويه ببشراتهم واجسامهم ابدا !

تقدروا تكتبوا تعليق بدون تسجيل الايميل لا تحرمونا من ردودكم ^^

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s